TANGGUH CAMBOR WAY (BUSUNAT)
TANGGUH CAMBOR WAY (BUSUNAT)
|
|
|
|
Ngucapkon Salam
|
Assalamu’alaikum,
wr.wb
|
|
Ngucapkon terimakaseh jama manak muari sai
radu dacok nyemuka
|
v
Aga
tetabik pai jama nerampok kunyinni manak muari jak unggal-unggal tumpuk ni,
jak unggak jak doh laju kepak jak lumpak ni. Sekindua aga ngebabahkon
tangguh, daleh warah laju kepak cerita jama nerampok kunyinni. Delom seno sa,
wat do dia sai aga rang-rang tumpaanni tangguh ji. Ya do da aga jama
Radin…….. beliauan disan pai rang-rang ni sekindua ngelabuhkon tangguh.
Ø
Ja
Radin…….. pangkal ni pai sekindua ngucapkon terimakaseh jama nerampok manak
muari jak unggal-unggal tumpuk, jak unggak jak doh laju kepak jak lumpak ni
ya.. sai radu dacok nyemuka pada bingi sinji, ngabulkon kaulan sekam pok
semuarian dikala dibi jeno sa. Kekakalau kejemingkauan neram pok pada bingi
sinji dicatat Sai Kuasa menjadi amal ibadah neram….serta injuk rik mukantik
sai makung dacok nyemuka pada bingi sinji sekam semuarian aga serah sirin
mueh jama neram sai aga ngewarah kon ya..
|
|
Ngilu mahap
|
Ø
Kemedani
jak isan…. Semakung sekindua buwarah daleh butangguh, sekindu bukuta di
reraba, sekindua aga lamon-lamon kilu mahap, kintubang-kintu nihan delom
sedah tangguh sekindua serbok lagi, mak kena di susun tindeh ni, injuk
kimbang mucapu gaya ni, serta injuk kimbang sesuk sendalai gaya ni. Delom
seno sa lain hak sekindua injuk kimbang ti senghaja serta injuk kimbang ti
puhampang Gaya ni. Geral ni manusia jawoh jak sempurna serta adu tantu do
lamon di salah ni.
|
|
Wujud maksud daleh hajat neram ngeson kon
manak muari
|
Ø
Jadi
Radin……. Delom hajat sekam semuarian ramik, nerampok peson-son dija, laju
kepak di sekam rua minggoman. Na wat do dia sai aga menjadi tangguh daleh
warah laju kepak cerita serta harapan jama neram pok kunyinni jak
unggalunggal tumpuk ni, riakinjuk manak muari perlu aga mandaiya. Riakik
retiani injuk bagi ni Bucah kuji………… sesuai jama du’a nerampok sai
radu ji, aga mupahek rah ni, aga mupanjang umor ni, aga mugeluk mubalak,
serta aga ti tengoni sekula ngaji ni, laju kepak aga cambor way ni. Kemedani
jak seno dikala sebulan/seminggu sai radu, injuk bagini …………………..
jak bucerita riakik injuk radu muliom di rik-mukantik ni sai radu jak
busunat, delom seno sa ……………….. ji, aga ngilu busunat muneh. Na Syukur
Alhamdulillah retiani, radu wat kehaga ni sanak ji sai radu ti pepenah
riakinjuk bagini sekam rua minggoman. Kidang kacah do da kik ngangon kon di
keperitukan injuk mak tintang sai mulapang. Delom seno sa mak cigani, in radu
pai pangkutni, kepak nyegung sambil miwang.
Ø
Jadi
Radin…… delom kunu-kunu ni hati sekam rua minggoman na aga pangkut ni cambor
way sanak sinji, serta rani betik rani kunyaianni ya do dikak rani……… sai aga
ti hadap ji, butepatan di tanggal………..
Ø
Seno do
Radin, aga pangkut nerampok sedekah cutik, pangkal ni pai neram ngucap ko
syukur jama Allah swt. Serta ngedua kon injuk bagini ……………ji kekalau
sihat munyaian, geluk mubalak, mupahek rah ni, serta geluk munyai in dapok
ngelanjutkon sekula ngaji ni. Mak lupa muneh neram ngearwahi
keluarga-keluarga sai radu mena mulang.
|
|
Ngeharap ratong ngilu tulung guai
|
Ø
Jadi Radin….seno do wujud maksud neram
pok teson dija pada bingi sinji, delom seno muneh lain hak aga ngeni pandai
ria begawoh, kintu aga ngeharap jama neram pok manak muari, tuha bai,tuha
bakas, sanak daleh muli-meranai ni, aga ratong serta puson-son dija. Kintu
bang mak kebincang jak jaoh-jaoh ari ni, dikak pupagian ni sa ngasido.
Ø
Radin…… beliauan, delom
ngehadapi geguaian sinji muneh injuk bagi ni sekam semuarian laju kepak disekam rua minggoman, aga ngilu
tulung daleh ngilu junjung, serta ngilu runjung. Na mak do da kik kiwak di
sekam semuarian kik mak wat ditulung keti manak muari, baik di teduh
pileh-iwak jingkau ni, laju kepak dirukun peranti-karang balang ni, pun juga
di anok pelawa pengiri-penganan ni sai aga ti harap tipakai dikak dinana sa.
|
|
Hoyor sumbai
|
Ø
Jadi batin…. Bukenaan jama adat penakai,
api juga sai radu di cemecok ko tian sai mutuha tumbai, makung muneh da hak
wat pecoh girai ni, neram sa maseh perda makai ia… na seno sa aga ti cemecok
ko muneh.
Ø
Bukenaan jama hiyor sumbai, kintu bang neram
radu selesai jak burencaka kanah serta neram radu seulang-ulang, na aga
kewarahan muneh jama bai sanak kamno di lamban. Kintu bang tian ngebabukak
buku, injuk kimbang wat titulis, seno
sa aga tiharap kon ya. Kintu bang mak ngedok, na mak salah ni kik aga nanjok,
na kintu bang makung kebincangan, lagi wat keperitukan di sasurangni, dang
muneh hak aga jadi pukecing. Adu pai seturuk mawat nimbul, kok badan mak nyemuka,
mok ga kerugian ni.
|
|
Ajang bahagian guai
|
Ø
Kemedani
jak isan, delom ajang bahagain geguaian neram, adu wat muneh tetok tingon ni
uleh ni jelma ngura kamno.
Ø
Ria kik
dikak jemoh no sa, nerampok aga negak ko tarup di halunan no, na lain do ana
hak aga nemak ko anok pelawa serta pengiri-penganan ni, kintu injuk ani bebai
kamno indang kimbang muhalibuk aga teregah tecakak ni, serta aga rang-rang ni
jelma ngura kamno bu lalundar.
Ø
Na
dikak sawai ni sa, pangkut ni sesayak nikol, kekalau do wat rejeki nerampok
sai murawan manuk sai rua ni. Delom seno sa aga bebarong pai neram nge
gerdani ya, jak matah mit mesak ni. Seno do sai aga menjadi pemangkal ni
gulai neram kak dinana ni sa.
|
|
Pangan
|
Ø
Na
dikak pujemoh pagini, temego do neramsa aga nyuahkon menyan sanga sumbu,
pangkut penyedekahanni sanak sinji, pangkalnipai neram no aga manjatko du’a
jama Allah swt. Na neram no aga wat muneh kedayok ni, riakik retiani sanak
sinji na aga ti babalin neram jama pakaian sunat serta aga tiiringkon neram
jak lamban tuha dinggakno mit tarup di halunanji, ketu wat jelma ngura kamno
aga bubasa melayuan serta aga wat muneh tausiyah jak Ust……. Disan do sirang
ni. Kerua bahitini kintubang radu selesai segala acara neram na dakung muneh
kihak aga nubas seulang mit anok pelawa masing-masing, kimak ya aga
tiharapkopai nerampok ngenikmati rejeki makan siang bersama. Na jadi reno pai
Batin…… sedah warah daleh tangguh, laju kepak cerita sanga bahiti rua
ni jama neram kunyinni, kepak di batin….
Sai timpaan ni tangguh ….
|
0
komentar